Baydhabo, (insidesomalia.org) Warar aanu ka helnay ilo xog ogaal ah ayaa waxaa ay sheegayaan in Madaxweyne C/llaahi Yuusuf Axmed uu saacadaha soo socda uu magacaabi doono Ra'iisal Wasaara cusub.

Waxaa ay wararku intaasi ku darayaan in si weyn loo hadal hayo Nin lagu magacaabo Nuur Xasan Xuseen (Nuur Cadde) oo ahaan jirey Madaxa Bisha Cas ee somaaliya kana mid ahaa ragii la soo shaqeeyey Dowladaha reer Yurub iyo Mareykanka.

Nuur Cadde ayaa waxaa uu ka mid ahaan Aqoonyahannada Dalka Dibaddiisa ku maqnaa mudadii 17-ka sano ee aynu ka soo gudubnay, inkastoo uu waqtiyo kooban booqasho ku yimid Caasimadda Soomaaliya ee Muqdisho.

Mr: Nuur ayaa wuxuu ka tirsanaan jiray Saraakiisha Ciidamada Dowladdii hore ee Soomaaliya, gaar ahaan qeybta Booliska, walow uu muddooyinkan dambe ahaa nin ka shaqeeya Arrimaha Gargaarka Bani'aadannimada, horay waxaa Xilka Ra'iisal Wasaarenimada u daneynayay in ay qabtaan xubno ka soo jeeda Belaha Hawiye oo ku jiraan Baarlamaanka Soomaaliya, kuwaasi oo uu ka mid ahaa Wasiirka Arrimaha Gudaha Xukuumadda Federaalka Soomaaliya Maxamed Maxamuud Guuleed iyo xubno kale.

Madaxweynaha Dowladda Federaalka Soomaaliya C/llaahi Yuusuf Axmed ayaa maalmahan waday la-tashiyo uu la yeelanayo Xildhibaanada Baarlamaanka Soomaaliya ugu jira Beelaha hawiye.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment